هل طيبة القلب هي ضعف بالشخصيه(دعوة للنقاش)

السلام عليكم ورحمة الله وبركاته

كيف الحال يا اعضاء أحلى منتدى


لطالما اسمع فلان يقول لي فلان لعبت فيه طيبته الزائده فيدور في ذهني هل الطيبه لها حدود ؟

او اسمع فلان طيب وينضحك عليه هل الطيبه اصبحت غباء بزمننا؟

او فلان طيب ومايزعل هل الطيبه تجر على صاحبها من يستغلها ؟

هل الطيبه وتسامح اصبحت ضعف شخصيه وعيب لصاحبها ؟


دعـووه للنقاش

والله يا سام للاسف فعلا الطيبة ينظر ليها الان فى زمننا هذا على انها
نوع من انواع الغباء وانا مش عارفه ليه الناس بتعتبرالانسان طيب القلب (عبيط)وبيضحك عليه زى ما بيقولوا
شى محير ولكن انا بشوف فيه فرق كبير بين السذاجة وطيبة القلب
مش كل انسان طيب القلب هو ساذج بالعكس
وفيه كمان مقولة بتقول اتقى شر الحليم اذا غضب
ولكن فى النهاية طيبة القلب عمرها ما تكون عيب هى ميزه ولابد ان يراعى الانسان ربه فى كل اعماله ولايلتفت لراى الناس
لانه من الصعب جدآ ارضاء الناس عن كل تصرفاتك وميرسى على الموضوع الجميل ده انك طرحته للنقاش

اولا بشكرك يا سآم عالموضوع الجميل ده
ثانيآآ الطيبه شيء رائع وجميل جداا ومش موجود في كل الناس
لكن في الزمن ده للاسف ضعف في الشخصيه وعيب
صح هيا ميزه جميله بس مش مع كل الاشخآآص
لانها لو استغلت من بعض الناس
هتبقي نقطه ضعف وعيب
وانا قريت قبل كده مثال بيقول
ان لم تكن ذئبآآ اكلتك الذئآب
لذلك بنشوف كل من يتقاله انت طيب .. ييئس .. مع انه غلطان فعلا ..!!

السلام عليكم /اولا : موضوعك جميل جدا ياساام
بس فعلا بقت طيبة القلب فى زمننا هذا او اعتبرها بعض الناس سذاجة وممكن الانسان يفقد كرامته وحقوقه لانه طيب فمثلا واحد ياخدحق الانسان الطيب ده ويقول( ياعم ده على نياته وطيب مش حيقدر يعمل حاجة)
ففعلا الناس ما بقتش تقدر الطيب وتعتبره ضعيف الشخصية

للاسف فعلا فى زمنا ده الطيبه بقت شئ معيب حتى الواحد يخاف يقول انه طيب لحسن الناس تتريئ عليه
وتستهبله وتفتكر انه مادام طيب يبقى ضعيف وغلبان وميعرفش يعمل حاجه فى حياته
بس تسلم ايدك يا سام على مواضيعك دايما المميزه والمفيده الف شكر ليك

هى الطيبة بقت حاجة وحشة فى الزمن دة