قصيده عن الأم أبكت من لم يبكي

اقرءوا معي ما كتبه هذا الشاب المتهور تعرض الى حادث وكانت امه معه فتوفيت وبقي هوه على قيد الحياه وكتب القصيده هذه .. أبكت من لم يبكي

يواسيني وانا ميت وحالي يجبر الدمعات

تسيل من الذي فيني ويبكي وهوه يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب ورحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكني عجزت القي الي يصحيني

فداك القلب يا يمه ومها قلت من كلمات

صغيره في كبر حقك بس أتمنى تعذريني

نهبت الفرح من بيتي صحيح إني خسيس الذات

تجول عيونهم فيني تفصل مني المقاسات

وتشيح وجوهم عني وكني غيرت ديني

يظنوا حزنهم أكبر وهم أصحاب هالمأساه

وانا أتحدى إذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يا يمه ارجعي كافي ابجلس معك لو لحظات

واقبل ايدك ورجلك وافرش الك رمش عيني

يا يمه ما تحملهم يقولوا فات ما قد مات

[b] تعالي غيري هالقول وأطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يا يمه ارجعي تكفين وطفي شمعه الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي حدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى أبكيك اذا انتي تبكيني ...


*************************************


منفووووووووووووووووووووووووووول لعيونكم

قصيده رائععععععععععه
تسلم إيديكــــــــــــــــــــي

نورتي يا قمر امواااااااااااااااااااااااااااااااااااه

فطومه تسلمي قصيده رائعه اثرت فيه

تسلمممممم ايدك يا فطوووووووووومه بجد قصيده رائعه

فعلا قصيده مؤثره نورتوا يا قمرااااااااااااااااااااات اموااااااااااااااااااااااااااه

روووووووووووووووووووووووووووووووووووووووووووووعه يسلمو الايااااادي

تسلم ايديكي فطوم على القصيدة الرائعة حقيقي مؤثرة جدا..........